Rusiyanın tanınmış aktyoru Mixail Yefremov yol qəzasına düşüb.
APA-nın “RİA Novosti”yə istinadən verdiyi xəbərə görə, bu barədə Rusiya Daxili İşlər Nazirliyindən bildirilib.
Hadisə iyunun 8-də, axşam saatlarında Moskvada baş verib. “Jeep Grand Cherokee” avtomobili idarə edən Yefremov qarşıdakı zolağa çıxaraq, “Lada” avtomobili ilə toqquşub.
Nəticədə “Lada”nın sürücüsü kəllə-beyin travması alıb.
Ekspertiza aktyorun sərxoş olduğunu müəyyənləşdirib. O, xəsarət almayıb.
Aktyora qarşı cinayət işi açılıb.
