ABŞ-ın Yale Universiteti 2021-ci il üçün Dram Yazı Müsabiqəsini elan edib.
Yale Dram Yazı Müsabiqəsi gənc dramaturqlar üçün hər il keçirilən, beynəlxalq müsabiqədir. Müsabiqə Devid Çarlz Horn Fondunun dəstəyi ilə maliyyələşdirilir.
Müsabiqənin qalibinə fond tərəfindən 10 min ABŞ dolları məbləğində mükafat veriləcək.
Qalibləri dövrümüzün görkəmli dramaturqları seçəcəklər. Bu müsabiqə yalnız ingilis dilində yazılmış pyeslərlə məhdudlaşır. Təqdim olunan işlər orijinal, dərc olunmamış ən azı 65 səhifədən ibarət tammetrajlı pyeslər olmalıdır. 65 səhifədən az olan pyeslərə baxılmayacaq. Tərcümələr, myuzikllar və uşaq tamaşaları qəbul edilmir.
Yale Dram Yazı Müsabiqəsi gənc dramaturqlara dəstək olmaq üçün nəzərdə tutulub. Müəllif müsabiqədə yalnız bir dəfə qalib gələ bilər.
İşlər “Word” proqramında yığılmalı, səhifələri nömrələnməli və peşəkar pyes formatında olmalıdır.
Müraciət etmək istəyənlər https://yup.submittable.com/submit ünvanına daxil ola bilərlər. /azertag.az/
