Rusiyanın Birinci Kanalında Azərbaycanın məşhur aktyorlarının iştirakı ilə "Yeniçəri" adlı irimiqyaslı tarixi serialın premyerası keçiriləcək.
Kulis.az xəbər verir ki, layihədə Rusiyanın tanınmış aktyorları ilə bərabər, Azərbaycanın Xalq artisti Pərviz Məmmədrzayev, aktyor Kamran Ağabalayev, eləcə də azərbaycanlı kaskadyorlar Sain Fərmanlı və Tural Xəlili yer alıb.
Kamran Ağabalayev əsas rollardan birini - Bəyazid ağanı, Pərviz Məmmədrzayev isə qubernatoru canlandırıb.
Qeyd edək ki, serialın treyleri artıq Birinci Kanalın rəsmi saytında yerləşdirilib.
