Londonda BAFTA (Britaniya Kino və Televiziya Sənəti Akademiyası) kino mükafatı laureatlarının adları açıqlanıb.
Kulis.az xəbər verir ki, baş mükafatın qalibi alman rejissoru Edvard Bergerin “Qərb cəbhəsində yenilik yoxdur” dramı olub. Film “Ən yaxşı rejissor” və “Ən yaxşı film” nominasiyalarında mükafat qazanıb.
“Ən yaxşı aktrisa” nominasiyasında mükafatı “Tar” dramında oynayan avstraliyalı aktrisa Keyt Blanşett alıb. “Ən yaxşı aktyor” nominasiyasında mükafat “Elvis” filmində Elvis Preslini canlandıran amerikalı aktyor Ostin Batlerə verilib.
Kanadalı rejissor Daniel Roerin “Navalnı” filmi “Ən yaxşı sənədli film” nominasiyasında mükafata layiq görülüb.
