“Seyid Əzim Şirvani kölgədə qalmış sənətkarlardandır. Məncə kifayət qədər öyrənilməyib.”
Bu sözləri APA-ya müsahibəsində dahi şairin soyundan olan rejissor, rəssam Teymur Daimi söyləyib. Daha sonra əlavə edib:
“O, öz növbəsini gözləyən sənətkarlardandır. Ümidvaram ki, haçansa Seyid Əzim layiqincə araşdırılacaq. Düzdür, ad kimi, simvol kimi var, amma araşdırmaq lazımdır ki, görək həqiqətən o kimdir.”
- "Çakallarla Dans 7" filmi gəlir
- Erməni müğənni "Turanın səsi"nin qalibi oldu
- "Fəzlüllah ölməyib, İsa kimi qeybə çəkilib..." - Rəhim Əliyev
T.Daimi nəsil şəcərəsində Seyid Əzimə münasibətdən də danışıb:
“Təəssüf ki, özümüz də onu araşdırmamışıq. Çünki bizdə onun haqqında söhbətlər nədənsə olmayıb. Sadəcə, fakt kimi bilirəm. Digər tərəfdən, nənəm rəhmətə gedəndə mənim 13 yaşım vardı. Mən onda heç bilmirdim ki, Seyid Əzimin nəslindənəm. Bilsəydim, sözsüz suallar verərdim. Çox təəssüf ki, həyatı haqqında məlumat azdır. Ola bilsin, nə vaxtsa Seyid Əzimi araşdırım.”
