Məşhur ABŞ aktrisası Luiza Fletçer 88 yaşında vəfat edib.
Kulis.az Rusiya mediasına istinadən verdiyi xəbər verir ki, aktirsa Fransadakı evində dünyasını dəyişib.
Luiza Fletçer "Ququ quşu yuvası üzərindən uçuş" filmində canlandırdığı tibb bacısı roluna görə "Oskar" mükafatı qazanıb. Bundan başqa o, BAFTA və "Qızıl qlobus" mükafatlarının da sahibidir.
Amerika Kino İnstutunun rəyinə görə, onun "Ququ quşu yuvası üzərindən uçuş" filmində yaratdığı Retçed adlı baş tibb bacısı obrazı kinematoqrafiya tarixinin ən qəddar personajlarından sayılır.
