Yuqoslaviya və Serb teatrı, kino və televiziya aktrisası Branka Veselinoviç 104 yaşında vəfat edib.
Kulis.az Türkiyə mediasına istinadən xəbər verir ki, dünyanın ən yaşlı aktrisalarından olan Veselinoviç karyerası ərzində bir çox tamaşalarda, onlarla film və serialda rol alıb.
Aktrisa 1918-ci il sentyabrın 16-da anadan olub. 1947-ci ildən Yuqoslaviya Dram Teatrının truppasında yer alıb. Müəssisəsinin direktoru Tamara Vukoviç Manoyloviçin sözlərinə görə, o, truppanın sonuncu nümayəndələrindən biri imiş: "Veselinoviç humanitar fəaliyyətlə məşğul olub, sənətə sadiqlik nümayiş etdirib".
