Beynəlxalq Muğam Mərkəzinin səhnəsində 19-cu Bakı Caz Festivalı çərçivəsində “Simin Tander Trio” caz triosu (Simin Tander (vokal), Olav Torget (gitara), Jonas Torget (truba) çıxış edib.
Kulis.az xəbər verir ki, mərkəzin foyesində Cəmilə Hacı-Səmədzadənin “İpək üzərində caz” quramasından ibarət sərgi nümayiş etdirilib.
Əcnəbi musiqiçilər ilk dəfə çıxış etdikləri qeyri-adi konsert proqramı hazırlayıblar. Müxtəlif dövrlərin bəstələri caz üslubunda təqdim olunub və bir neçə dildə səsləndirilib. Tədbir çoxlu sayda qonaq cəlb edib və onlar konsertdən əvvəl “İpək üzərində caz” sərgisini ziyarət ediblər.
