1971-ci il Bayan Dünya Kubokunun qalibi, Rusiyanın xalq artisti Aleksandr Sklyarov Voronejdə vəfat edib.
Kulis.az xəbər verir ki, bu barədə TACC məlumat yayıb.
Sklyarov 35 ildən çox Voronej Filarmoniyasında instrumental solist kimi çalışıb, burada onu bayan virtuozu adlandırıblar. 1971-ci ildə Brüggedə keçirilən Bayan Dünya Kubokunun qalibi olaraq bu yarışda 100 mümkün xaldan 99,78 xal toplayıb.
Dünyanın hər yerində qastrol səfərlərində olmuş, klassiklərin (Bax, Motsart, Şopen) ifalarını özünəməxsus uyğunlaşdırmada xalq musiqisi kimi ifa etmiş, Voronej bir çox bəstəkarların əsərlərini populyarlaşdırıb.
Öz hesablamalarına görə, o, 4 minə yaxın konsert verib.
