Betmen personajı Hollivud Şöhrət Xiyabanında ulduz alan ilk superqəhrəman olub.
Kulis.az xəbər verir ki, əfsanəvi qəhrəmanın adı məşhur küçədəki uydurma personajların uzun siyahısına daxil edilib.
İlk dəfə 1939-cu ilin martında DC" komikslərində görünən personaja 26 sentyabrda ulduz veriləcək. Daha əvvəl obrazı canlandıran aktyorlardan hər hansı birinin orada olub-olmayacağı hələlik açıqlanmayıb.
Mərasimdə "DC" şirkətinin prezidenti və baş kreativ direktor Cim Linin iştirak edəcəyi təsdiqlənib.
Hollivud Ticarət Palatasının prodüseri Ana Martinez Betmenin bu şərəfə layiq görülməsi haqqında deyib:
“Biz Hollivud Şöhrət Xiyabanında ilk superqəhrəmanımızı şərəfləndirməkdən qürur duyuruq! Tək və yeganə Batman!”
Qeyd edək ki, bu vaxta qədər Betmeni müxtəlif vaxtlarda 11 aktyor canlandırıb
Ülvi Bahadır
