"Stranger Things" filminin ulduzu, 19 yaşlı aktrisa Millie Bobby Brown debüt romanını elan edib.
Kulis.az xəbər verir ki, Hollivud ulduzunun “On Doqquz Addım” adlanan kitabı 2023-cü ilin sentyabrında işıq üzü görəcək.
Aktrisa romanın süjetinin ailəsinin başına gələnlərlə bağlı real hadisələr üzərində qurulduğu bildirib.
“Kitabın yazılma prosesi mənim üçün ən yaddaqalan təcrübə oldu. Ümid edirəm ki, oxucular burada sevgi və dəstək tapa biləcəklər "deyə Braun qeyd edib.
"On doqquz addım" İkinci Dünya Müharibəsi zamanı ailəsi ilə birlikdə Londonun Şərqi Enddə yaşayan Nelli Morris adlı 18 yaşlı cəsur qız haqqında tarixi romandır. Bir gecə hava hücumu zamanı baş verən faciədə Nellinin həyatı tamamilə dəyişir.
