Bu gün "İlin hekayəsi" müsabiqəsinin qalibləri açıqlanacaq.
Kulis.az xəbər verir ki, hekayə müsabiqəsinin qalibləri bu gün Libraff kitab mağazaları şəbəkəsinin Park Akademiya filialında (Elmlər Akademiyası) keçiriləcək mükafatlandırma mərasimində açıqlanacaq. Mərasim saat 18.00-da başlayacaq.
Qeyd edək ki, münsiflərin adları da müsabiqənin mükafatlandırılma mərasimində açıqlanacaq.
Müsabiqədə:
I yerin qalibi – "İRŞAD"dan Notbuk, "Libraff"dan 200 AZN-lik kitab kuponu, "PİNTRAVEL" şirkətinin xüsusi hədiyyəsi
II yerin qalibi – "İRŞAD"dan Smartfon, "Libraff"dan 100 AZN-lik kitab kuponu, "PİNTRAVEL" şirkətinin xüsusi hədiyyəsi
III yerin qalibi – "İRŞAD"dan Poketbuk (planşet), "Libraff"dan 50 AZN-lik kitab kuponu, "PİNTRAVEL" şirkətinin xüsusi hədiyyəsi
Kulis.az oxucuları tərəfindən seçiləcək onlayn səsvermənin qalibi isə Smart saat və xüsusi hədiyyələrlə mükafatlandırılacaq.
Müsabiqə “İrshad Electronics” şirkətinin baş sponsorluğu, Mədəniyyət Nazirliyinin Kürdəmir Regional Mədəniyyət İdarəsinin dəstəyi, “LIBRAFF” kitab mağazaları şəbəkəsinin və “Pintravel” şirkətinin sponsorluğu ilə təşkil olunur.
Müsabiqədə iştirak edən bütün iştirakçılar, media nümayəndələri və ədəbiyyatsevərlər dəvətlidir.
