İsveçrənin Sürix şəhərində bu il ikinci dəfə türk mədəniyyəti festivalı təşkil edilib. Festival ölkədə yaşayan türklərin də böyük marağına səbəb olub.
Kulis.az xəbər verir ki, təxminən 20 min insanın iştirak etdiyi festivalda türk mədəniyyətinə aid ebru və şüşə sənəti ilə ənənəvi türk yeməklərini tanıtmaq üçün stendlər açılıb.
Festival iştirakçılar arasında keçirilən hədiyyə lotereyası ilə sona çatıb.
Xatırladaq ki, İsveçrə Türk Diyanət Vəqfi tərəfindən təşkil edilən ilk festival 2018-ci ildə keçirilib. Koronavirus pandemiyası səbəbindən ikinci festival isə 3 il müddətinə təxirə salınmışdı.
