"Azərbaycanda öz filmlərindən təşkil olunmuş festival keçirmək üçün addımlar atılmaldır".
Kulis.az APA-ya istinadən xəbər verir ki, bunu "Azərbaycan Kinosu - 125: Reallıq, Çağırışlar və Hədəflər” mövzusunda Kino forumu çərçivəsində "Azərbaycan kinosunda beynəlxalq təcrübənin tətbiqi" panelində Kann, Venesiya, Berlin və Sundance festivallarında mukafatlandırılmış prodüser, Canal+ televiziya kanalının kino şöbəsinin sabiq tərtibatçısı Giyom de Sey deyib.
"Nə vaxt Azərbaycan kinolarından ibarət Azərbaycanda film festivalı keçiriləcək? Mən əminəm ki, Azərbaycan film festivalının keçirilməsi istiqamətində addım atılmalıdır. Mən səbirsizliklə gözləyirəm ki, Azərbaycan filmlərindən ibarət festivalla bağlı məni dəvət edəcək", - deyə o çıxışı zamanı deyib.
