Kinorejissor Sally Potter "Pink Bikini" adlı debüt albomundan ilk klipini paylaşıb.
Kulis.az Deadline-a istinadən xəbər verir ki, "Pink Bikini" iyulun 14-də satışa çıxarılacaq. "Yarı-avtobioqrafik" mahnılar toplusu kimi təqdim edilən albomdakı mahnıların musiqisi və sözləri Potterə aiddir.
Qeyd edək ki, 1992-ci ildə Tilda Svintonun oynadığı Virciniya Vulfun klassik romanı əsasında çəkilmiş "Orlando" və Elle Fanninqin baş rolda oynadığı "Ginger & Rosa" kimi filmlərlə tanınan Potterin musiqi karyerası kinodakı işindən əvvələ təsadüf edir. 1970-ci illərdə o, Avropada geniş qastrol səfərlərində olan "Feminist Improvising Group"adlı avanqard qrupun üzvü olub.
