Gürcüstanın Xalq artisti, SSRİ Dövlət mükafatı laureatı, aktyor Cemal Qaqanidze 89 yaşında vəfat edib.
Kulis.az xəbər verir ki, bu barədə Rustaveli Milli Teatrının mətbuat xidmətindən məlumat verilib.
Aktyorun ölüm səbəbi hələ məlum deyil. Rustaveli Teatrının nümayəndələri sənətkarın ailəsinə və yaxınlarına dərin hüznlə başsağlığı veriblər.
Cemal Qaqanidze aktyorluq karyerasına 1956-cı ildə başlayıb. Sənətçi Dram Teatrının səhnələrində çıxış edib. 1980-ci ildə "Gürcüstan SSR xalq artisti" adına layiq görülüb.
Qaqanidze “Ağlama!”, “Fidanlar”, “Arzu ağacı”, “Dünyanın ən sürətlisi” kimi filmlərdə rol alıb.
