Amerikalı aktyor Ceyms Makkaffri 66 yaşında vəfat edib.
Kulis.az xarici mediaya istinadən xəbər verir ki, aktyorun ölüm səbəbi açıqlanmayıb.
Makkaffri 1958-ci ildə Nyu-Yorkun Albany şəhərində anadan olub. O, Meks Peyn video-oyun seriyasında FTB agenti Meks Peynin dublyajçısı kimi tanınır.
Bundan əlavə, Makkaffri “Məni xilas et” serialında Nyu-Yorklu yanğınsöndürən Cimmi Kif, “Qisas” serialında Rayan Hantli rolunu canlandırıb.
O, həmçinin “Son zəng”, “Şanxay 1937”, “Amerika əzəməti”, “Fəlakət”, “Gizlənqaç” kimi filmlərdə yaddaqalan obrazlar yaradıb.
