Kantri musiqi növünün tanınmış simalarından olan müğənni Ceyk Flint toyundan bir gün yarım sonra vəfat edib.
Kulis.az xarici mediaya istinadən xəbər verir ki, 38 yaşlı sənətçinin ölüm səbəbi hələ müəyyən edilməyib.
Flintin həyat yoldaşı Brenda, media açıqlamasında "Biz toy şəkillərinə baxmalıyıq, amma bunun əvəzinə ərimi dəfn etmək üçün paltar seçməliyəm" deyib.
Onun sözlərinə görə, ölümündən qısa müddət əvvəl Flint Mayk prodüserliyi ilə albom yazıb. Studiya albomu 2023-cü ilin fevralında işıq üzü görəcək.
