İngilis multi instrumentalist, bəstəkar, müğənni, yazıçı Mo Foster 79 yaşında vəfat edib.
Kulis.az xarici mediaya istinadən xəbər verir ki, musiqiçinin ölüm səbəbi hələ açıqlanmayıb.
22 dekabr 1944-cü ildə Vulverhemptonda anadan olub. Yarım əsrdən çox davam edən karyerası ərzində Foster, Ceff Beck, Gil Evans, Phil Collins, Ringo Starr, Joan Armatrading, Gerry Rafferty, Brian May, Scott Walker, ABBA-dan Frieda, Cliff Richard da daxil olmaqla onlarla sənətçi ilə qastrol səfərində çıxışlar edib.
O, öz adı ilə bir neçə albom buraxıb. Britaniya rok gitarasının tarixi haqqında yumoristik kitab və musiqi nəşrləri üçün çoxsaylı məqalələr yazıb.
2014-cü ildə Foster Britaniya mahnı müəllifi və bəstəkar cəmiyyətinə ömür boyu verdiyi töhfəyə görə BASCA Qızıl Nişanı mükafatına layiq görülüb.
