Almaniyanın Drezden şəhərindəki “Grüne Gewölbe” muzeyindən 2019-cu ildə oğurlanmış 31 əşya tapılıb.
Kulis.az xəbər verir ki, Avropanın ən qədim və ən böyük sərvətlərindən birinə ev sahibliyi edən muzeydən oğurlanan əşyaların ümumi dəyərinin 1 milyard avro olduğu təxmin edilir.
Drezden polisinin verdiyi məlumata əsasən paytaxt Berlində ələ keçirilən qiymətli əşyalar arasında ilkin baxış nəticəsində 31 fərdi parça, o cümlədən, brilyant papaq bəzəyi və Polşanın “Ağ Qartal” ordeni kimi bir neçə əşya aşkar edilib.
