Saksafon ifaçısı Maria Elena Rios Twitter-də aktyor Tenoch Huertanı cinsi təcavüzdə ittiham edib.
Kulis.az xarici mediaya istinadən xəbər verir ki, o, sənətçinin onu cinsi və emosional zorakılığa məruz qoyduğunu, həmçinin vəzifə səlahiyyətlərindən sui-istifadə etdiyini bildirib.
İfaçı qeyd edib ki, əvvəlcə bu məlumatı yaymaqdan qorxub:
"Niyə bu barədə tez xəbər vermədim?" Çünki bundan sonra baş verəcəklərdən qorxdum. İnsanlar çox vaxt ilahiləşdirdikləri birinin təcavüzkar və cinsi yırtıcı olduğuna inanmırlar".
Qeyd edək ki, Tenoch Huerta 'Black Panther: Wakanda Forever' filmində Namor rolu ilə tanınır.
