13 noyabr tarixində H.Əliyev Mərkəzində Azərbaycan Respublikası Mədəniyyət Nazirliyi, Elm və Təhsil Nazirliyinin birgə təşkilatçılığı ilə keçirilən Uşaq İncəsənət Festivalının (UİF) mükafatlandırma mərasimi baş tutub.
Kulis.az xəbər verir ki, tədbir Ümummilli lider Heydər Əliyevin anadan olmasının 100 illiyinə həsr olunub.
Mükafatlandırma mərasimində Firidun bəy Köçərli adına Respublika Uşaq Kitabxanası xüsusi stend və uşaq yazarlarının təqdimatı ilə iştirak edib.
Tədbir çərçivəsində Respublika Uşaq Kitabxanası tərəfindən uşaq yazarlarından Solmaz Amanova, Günel Əsgərova, Gülzar İbrahimova ilə mütaliə saatlarının təşkili, interaktiv oyunların, uşaqlar arasında “Biləyən” adlı müsabiqənin, müxtəlif nağıl qəhrəmanlarının özün rənglə müsabiqəsi, uşaqlar arasında komanda yarışların keçirilməsi təşkil olunub.
Qaliblərə “Göy qurşağı” uşaq jurnalı hədiyyə edilib.
