Skuter sürə bilməyən azərbaycanlılar

Ulucay Akif, yazar

Ulucay Akif, yazar

calendar 2 iyun 2023
clock 17:36

Kulis.az Ulucay Akifin “Skuter sürə bilməyən azərbaycanlılar” adlı yeni yazısını təqdim edir.


Ölkədə hərdən gözəl şeylər də baş verir.

Bayaq saytlardan oxudum:

“Bulvarda skuter sürülməsi qadağan edilib”.

Çox əla!

Utanmayın, deyin ki, dövlət imkan vermir camaat rahat yaşasın, əylənsin.

Sizi bilmirəm, mənim bütün əsəblərimi xarab eləmişdi bu skuter sürənlər.

Hər şeyi qaraçı kimi edirik.

Azərbaycanlılar skuterlə tanış olandan, şəhərdə qorxa-qorxa gəzirəm ki, bu dəqiqə kimsə skuterlə üstümdən keçəcək.

Vəhşi kimi sürürlər.

Nolub? Nə görməmişlikdi?

Bunu adam balası kimi sürmək belə çətin şeydi?

Özü də qışqıra-qışqıra sürənlər var e.

Nolub, ay qardaş? Skuterdi də.

Bunu asta-asta , zövq ala-ala, qışqırmadan, bağırmadan sür də.

Hələ skuter kirayələmək işinə baxanları demirəm.
Əvvəl qızla şəhərdə gəzəndə, gül satan qaqaşlar gəlib gülü ağzına soxurdu ki "Qaqaş, gül verim?".

İndi qızla iki addım atırsan, çinqaçuqlara oxşayan qaqaşlar əllərində skuterlə gəlir ki "Qaqaş, skuter lazımdı?"

Məzələnirsiniz?

Hə, bu dəqiqə skuter lazımdı elə bizə.

İşim-gücüm qurtarıb, qızı götürüb şəhərə çıxmışam ki, skuter sürək.

Ulucay Akifəm e mən! Gir bir google-da “Ulucay Akif” yaz, gör nə çıxır? Qızla şəhərə skuter sürməyə çıxanam mən?

Mənə deyir ki “Qaqaş, skuter verək?”.

Lazım olsa, özüm yaxınlaşıb, pulunu verib kirayələyəcəm də.

"Qaqaş, skuter lazımdı?" nədi?

Dəlixanadı, Allah haqqı.

# 4382 dəfə oxunub

Oxşar xəbərlər

"Əlini qoyur qulağının dibinə və..." - Rep deyən Alim Qasımovun ən böyük qorxusu

"Əlini qoyur qulağının dibinə və..." - Rep deyən Alim Qasımovun ən böyük qorxusu

17:26 12 iyun 2025
Namiq Qaraçuxurlu onun üçün kömək istədim

Namiq Qaraçuxurlu onun üçün kömək istədim

10:22 4 noyabr 2024
Evli ola-ola sevdiyi qızın pəncərəsi altında gecələyən Emin Sabitoğlu haqqında bilmədiklərimiz...

Evli ola-ola sevdiyi qızın pəncərəsi altında gecələyən Emin Sabitoğlu haqqında bilmədiklərimiz...

09:00 2 noyabr 2024
Nəşriyyatların buraxdığı səhvlər - Qanunun tələbləri nədir?

Nəşriyyatların buraxdığı səhvlər - Qanunun tələbləri nədir?

16:48 1 noyabr 2024
Azərbaycan Dövlət Gənc Tamaşaçılar Teatrının noyabr repertuarı

Azərbaycan Dövlət Gənc Tamaşaçılar Teatrının noyabr repertuarı

15:55 1 noyabr 2024
Qalkin  Ukrayna Muzeyində

Qalkin Ukrayna Muzeyində

15:36 1 noyabr 2024
Norma
Norma
menu pen all_news