YouTube-da rejissor Florian Zellerin “The Son” filminin son treyleri yayımlanıb.
Kulis.az xəbər verir ki, ailə dramının süjet xəttində hadisələr baş qəhrəman Piter (Hyu Cekman) ətrafında cərəyan edir. Qəhrəman vaxtının çoxunu işdə və yeni ailəsi ilə keçirir, lakin bir gün onun qapısının ağzında əvvəlki münasibətindən olan yeniyetmə oğlu Nikolay peyda olur və atası ilə birlikdə yaşamaq istədiyini deyir.
Baş qəhrəman, yeni ailəsi ilə münasibətlərini korlamayaraq, yeniyetmə oğlunun çətin böyümə dövründən keçməsinə kömək etməli olacaq. Filmdə baş rolları aktyor Hugh Jackman və Enthony Hopkins canlandırır.
