1 İyun - Uşaqların Beynəlxalq Müdafiəsi Günü ilə əlaqədar 4 nömrəli Uşaq Gənclər Yaradıcılıq Mərkəzinin şagirdləri Cəfər Cabbarlı adına Respublika Gənclər Kitabxanasında qonaq olublar.
Kulis.az xəbər verir ki, kitabxana əməkdaşları məktəblilərə kitabxananın iş prinsipi, ondan istifadə qaydaları, fondu, kitabxanada təşkil edilən tədbirlər, kitab təqdimatları, sərgilər, oxuculara təqdim edilən elektron xidmətlər, kitabxananın rəsmi saytı haqqında məlumat veriblər.
Məktəblilər kitabxananın “Musiqi” bölməsində saxlanılan nadir qrammafon valları, not nəşrləri ilə tanış olublar.
“Uşaq ədəbiyyatı” sərgisi ilə tanış olan məktəblilərə kitabxananın fondunda saxlanılan Azərbaycan, rus və xarici dillərdə olan uşaq ədəbiyyatı haqqında geniş məlumat verilib.
Görüş zamanı Yaradıcılıq Mərkəzinin “Məktəb teatrı” dərnəyinin üzvləri görkəmli dramaturq Cəfər Cabbarlının “Dilarə” hekayəsindən səhnəciklər nümayiş etdiriblər.
