Xalq artisti Ramiz Məlik kömək istədi: "Dərmanlarımı ala bilmirəm"

Xalq artisti Ramiz Məlik kömək istədi:  "Dərmanlarımı ala bilmirəm"
calendar 20 aprel 2023
clock 11:30

Azərbaycanın tanınmış teatr və kino aktyoru, Xalq artisti, "Şöhrət" ordenli Ramiz Məlik səhhətində yaranmış problemlərlə bağlı Heydər Əliyev Fonduna müraciət edib.

Kulis.az xəbər verir ki, müalicə aldığı xəstəxananın xərclərini ödəyə bilməyən aktyor Heydər Əliyev Fondundan kömək istəyib:

"İndiki zamanda xəstənin maddi təlabatını ödəmək lazımdır. Mənim səhhətimdə yaranmış problemi Mədəniyyət Nazirliyi, Teatr Xadimləri İttifaqı bilir. Hətta nazirlikdən evə gəlib səhhətimlə maraqlananlar oldu. Dedi ki, "Ramiz müəllim, sizə kömək etməyə hazırıq”. Üstündən bir az keçəndən sonra dedi ki, kömək üçün nazirliyin büdcəsi yoxdur. Maddi kömək olmadan xəstə indiki zamanda sağala bilməz. Bir yandan dərmanlar, bir yandan həkimlərin haqqı, bir yandan da xəstəxana xərcləri, mən bunların hamısını ödəyə bilmirəm. Hər yan od tutub yanır”.

Aktyor təəssüf hissi ilə aidiyyatı qurumların heç birindən ona dəstək olunmadığını qeyd edib:

"Mənə dəstək yoxdur. Heç olmasa, hospitalda aparılan müayinə, xəstəxana xərclərimi İcbari Tibbi Sığorta ilə həll etsinlər. Dövlətimdən, Heydər Əliyev Fondundan dəstək gözləyirəm”.

Ramiz Məlik istər teatrda, istərsə də kinoda fəaliyyətinin göz önündə olduğunu vurğulayıb:

"Mən bu dövlət üçün işləmişəm, bunu qiymətləndirmək lazımdır. Xəstəlik hamı üçündür. Sıradan bir adam deyiləm. Bu günə kimi imkanım daxilində müalicəm üçün əlimdən gələni etdim, amma daha tükənmişəm. Azərbaycanda müalicəm mümkündür, amma gərək dövlət dəstək olsun. 24 saat tibb bacısı, həkim heyəti evə gəlir-gedir, bunların pulunu ödəməliyəm, dərmanları ala bilmirəm, hamısı baha-baha. Buna görə də Heydər Əliyev Fonduna yazmışam".

Qaynarinfo

# 2233 dəfə oxunub

Oxşar xəbərlər

"Əlini qoyur qulağının dibinə və..." - Rep deyən Alim Qasımovun ən böyük qorxusu

"Əlini qoyur qulağının dibinə və..." - Rep deyən Alim Qasımovun ən böyük qorxusu

17:26 12 iyun 2025
Namiq Qaraçuxurlu onun üçün kömək istədim

Namiq Qaraçuxurlu onun üçün kömək istədim

10:22 4 noyabr 2024
Evli ola-ola sevdiyi qızın pəncərəsi altında gecələyən Emin Sabitoğlu haqqında bilmədiklərimiz...

Evli ola-ola sevdiyi qızın pəncərəsi altında gecələyən Emin Sabitoğlu haqqında bilmədiklərimiz...

09:00 2 noyabr 2024
Nəşriyyatların buraxdığı səhvlər - Qanunun tələbləri nədir?

Nəşriyyatların buraxdığı səhvlər - Qanunun tələbləri nədir?

16:48 1 noyabr 2024
Azərbaycan Dövlət Gənc Tamaşaçılar Teatrının noyabr repertuarı

Azərbaycan Dövlət Gənc Tamaşaçılar Teatrının noyabr repertuarı

15:55 1 noyabr 2024
Qalkin  Ukrayna Muzeyində

Qalkin Ukrayna Muzeyində

15:36 1 noyabr 2024
menu pen all_news