Amerika aktyorların həmkarlar ittifaqı Equity (“Bərabərlik”) seks-qalmaqalları, psixoloji təzyiq və təcavüzləri önləməkdən ötəri kinematoqrafçılar üçün qaydalar dərc edib.
Kulis.azın rus mətbuatına istinadən verdiyi xəbərə görə, tövsiyyə-qaydalar gender bərabərliyi, kastinq prosesi və yataq səhnələrinin çəkilməsi məsələsinə toxunur.
Qaydalar rejissorların rola namizədliyini irəli sürən aktyorlardan soyunmaq tələbini qadağan edib. İstisna hal yalnız qabaqcadan danışılmış olarsa və səhnədə baş verərsə mümkün ola bilər.
Bundan başqa kastinq zamanı aktyorlardan və aktrisalardan seksi immitasiya edən etüd göstərməyi tələb etmək olmaz. Bundan başqa prodüserlər aktyoru və aktrisanı filmdəki erotik səhnə haqda müqavilə bağlamazdan əvvəl xəbərdar etməlidir
Xatırladaq ki, Hollivudda məşhur prodüser Xarvi Vaynşteynlə yaşanan seks qalmaqallarından sonra, başqa rejissorların və aktyorların da vəzifəsindən, mövqeyindən istifadə edərək təcavüzkar hərəkətlər etdiyi ortaya çıxıb.
