“Ədəbiyyat qəzeti” yayınları seriyasından “Ədəbiyyat üzrə Nobel mükafatçıları: 1901-2017” adlı kitab çap olunub.
Kulis.az xəbər verir ki, kitabı tərtib və tərcümə edən tanınmış yazıçı-tərcüməçi Əyyub Qiyasdır. Yeni nəşrdə 1901-2017-ci ilə qədər ədəbiyyat üzrə Nobel mükafatı almış 115 müəllif yer alıb.
Qeyd edək ki, “Ədəbiyyat qəzeti” bu kitabın nəşri ilə bir ilkə imza atıb. Bu, nəşriyyat tarixində ədəbiyyat üzrə Nobel mükafatı almış bütün müəlliflərin bir kitabda təmsil olunduğu ilk və yeganə işdir.
“Elm və Təhsil” nəşriyyatında çap olunan kitabların ideya müəllifi və redaktoru filologiya üzrə fəlsəfə doktoru, “Ədəbiyyat qəzeti”nin baş redaktoru Azər Turandır.
