Bu gün Səudiyyə Ərəbistanında son 40 il ərzində ilk dəfə olaraq kinoteatr fəaliyyət başlayır.
Kulis.az-ın rus mətbuatına istinadən verdiyi xəbərə görə, sadə əhali hələlik böyük ekranda film izləyə bilməyəcək. Belə ki, ilk nümayişlər xüsusi dəvətnamə sahiblərinə qismət olacaq.
Paytaxt Ər-Riyadda Kral Abdulla adına maliyə mərkəzində yerləşən 620 nəfərlik kinozalda Rayan Kuqlerin “Qara pantera” filminin nümayişi olunacağı deyilir.
Qeyd edək ki, Səudiyyə Ərəbistanda kinoteatrların fəaliyyətinə 1983-cü ildə kral Fəhdin göstərişi ilə xitam verilmişdi.
