İLESAM (Türkiyə Elm və Ədəbi Əsər Sahiblərinin Məslək Birliyi) eyni adlı jurnalının 17-ci sayını böyük Azərbaycan şairi İmaməddin Nəsimiyə həsr edib.
Jurnalda Türkiyənin və Azərbaycanın tanınmış qələm adamlarının Nəsimi haqqında məqalələrinə yer verilib. Prof.Dr. Atabey Kılıçın “Seyid Nəsimiyə dair”, Prof.Dr. Ziya Avşarın “Nəsiminin dünyasında bir gəzinti”, Prof.Dr. Özer Şenödeyicinin “Nəsiminin şeirlərində insana verilən dəyərin ifratı”, Xalq yazıçısı Anarın “Şairin hünəri”, f.e.n. Səyyad Aranın “Seyid İmaməddin Nəsimi - ədəbiyyat üfüqündə doğan günəş”, f.e.d. Vüqar Əhmədin “Nəsiminin dini-fəlsəfi görüşləri”, Dr. Mahmud Əkkamın “Edamdan sonra başlanan həyat”, f.e.d. Qəzənfər Paşayevin “Nəsimi və aşıq yaradıcılığı” məqalələrini, Xalq şairi Bəxtiyar Vahabzadənin “Allah” şeirini “İLESAM”ın 17-ci sayında oxumaq mümkündür.
Nəsimiyə həsr edilmiş buraxılışın üz qabığında Xalq rəssamı Arif Hüseynovun əsəri yer alıb.
Qeyd edək ki, “İLESAM” jurnalı yüksək tirajla çap edilir və çoxsaylı abunəçiləri ilə yanaşı, Türkiyənin bütün kitabxanalırna paylanılır./ayb.az/
