Bu gün, saat 15-00-da, Bakı İdman Sarayında keçirilən VI Bakı Beynəlxalq Kitab Sərgi-Yarmarkasında tanınmış şair Şəhriyar Del Geraninin “Gecəniz şeirə...” kitabının imza və təqdimatı keçiriləcək.
Kulis.az xəbər verir ki, Dövlət Tərcümə Mərkəzinin “Gənc yazarlara dəstək” layihəsi çərçivəsində işıq üzü görən kitabda 45 şeir toplanıb. Onlardan 33-ü yeni, 12-si beş il öncə çap olunan “Darıxmağın adı” kitabındandır.
Kitab “Təhsil” nəşriyyatında çap olunub.
Xatırladaq ki, VI Bakı Beynəlxalq Kitab Sərgi-Yarmarkasında bir neçə tanınmış yazarın da imza günü olacaq.
