Müğənni Madonna gündəlik həyatda eycizmə (yaşa görə ayrı-seçkilik) məruz qalır.
Kulis.az-ın rus mətbuatına istinadən verdiyi xəbərə görə, müğənni onu tənqid edənlərin hər dəfə bir bəhanə tapdığını deyib. “Kifayət qədər gözəl deyiləm, kifayət qədər yaxşı oxumuram, kifayət qədər istedadlı deyiləm, kifayət qədər ərdə deyiləm, indi də kifayət qədər gənc deyiləm İndi məni 60 yaşıma görə cəzalandırırlar. Mən Eycizmlə mübarizə aparıram” – deyə o, bildirib.
Xatırladaq ki, Madonna Ginnesin rekordlar kitabına görə, kommersiya baxımdan ən uğurlu ifaçıdır. O, karyerası boyunca 300 -ə yaxın mükafat alıb. Bunlardan 7-i nüfuzlu “Qremmi” mükafatıdır.
