Azərbaycan Minsk Beynəlxalq Kitab Sərgi-Yarmarkasında təmsil olunur.
Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, sərgi fevralın 28-də işə başlayıb.
Beynəlxalq tədbirdə ölkəmiz Mədəniyyət və Turizm Nazirliyinin təşkilatçılığı, Azərbaycanın Belarusdakı Səfirliyinin və “Azərnəşr”in iştirakı ilə təmsil olunur.
Martın 4-ə kimi davam edəcək tədbirdə Azərbaycanın mədəniyyətinə, tarixinə, dövlətçiliyinə, Qarabağ həqiqətlərinə dair nəşrlər, turizm potensialı haqqında təbliğat materialları ziyarətçilərin diqqətinə təqdim olunacaq.
