Hollivud aktrisası Ancelina Coli anasını və nənəsini necə itirməsi haqda esse yazıb. Time jurnalında dərc olunan essedə aktrisa həyatından bəzi məqamları da bölüşüb.
Kulis.az-ın rus mətbuatına istinadən verdiyi xəbərə görə, Ancelina Coli essdə anasının və nənəsinin keçirdiyi süd vəzi xərçəngi xəstəliyindən, onları necə itirməsindən və özünün bu xəstəliyə qarşı tədbirlər almasından bəhs edib:
“Anamın müalicə keçəndə əlindən necə tutduğum yadımdadır. Qəfil halı pisləşdi, üzü bənövşəyi rəng aldı. Mən özümü itirdim, tibb bacısını çağırmağa qaçdım...
- Han Kanq: "Onlar qurbana çevrilməmək üçün ölümü seçmişdilər" - Müsahibə
- Mahir Qabiloğlunun kirvəsi və elçisi İsmayıl Şıxlı
- "Gəncədən Bakıya" layihəsi Emin Sabitoğluna həsr olunub
Onun ölümündən sonra xüsusi testdən keçdim və bəlli oldu ki, süd vəzi xərçəngi olma ehtimalım 87 faiz, yumurtalıq xərçənginə tutulma riskimsə 50 faiz təşkil edir. Ona görə bu riskləri azaltmaq üçün əməliyyatdan keçmək qərarına gəldim. Uşaqlarımla çox vaxt keçirmək, onların böyüməsini, nəvələrimin dünyaya gəlməsini görmək üçün sağlamlığımın qeydinə qalmalıyam. Mən 10 il anasız yaşamışam. Anam ancaq bir neçə nəvəsini gördü, onlarla oynaya da bilmədi, çünki xəstə idi”.
Coli öz mətnində əməliyyatdan sonra bədənində qalan çapıqlardan təəssüflənmədiyini də qeyd edib: “Bu çapıqlar bizim nələri dəf etməyimizi xatırladır. Onlar bizim unikallığımızdan bir parçadır. İnsan varlığının ən gözəl cəhətlərindən biri məhz bu müxtəliflikdir”
