Bu gün Beynəlxalq Muğam Mərkəzində “Xalqın şairi” yarışmasının final çəkilişləri olub.
Kulis.azın verdiyi məlumata görə, ARB kanalında yayımlanan və böyük maraq doğuran “Xalqın şairi” layihəsinin qalibi tanınmış şair Şəhriyar Del Gerani olub.
İkinci yerə Həsən Kür və Qismət Mənsimov layiq görülüb. Mehman Rəsul adlı iştirakçı isə üçüncü yerdə qərarlaşıb.
Xəbər verdiyimiz kimi, əvvəlcədən “Xalqın şairi” yarışmasının qalibi evlə təmin olunacaqdı. Lakin layihənin rəhbəri Mübariz Əsgərov ev verilməyəcəyini, evin dəyərində pulun mükafatçılar arasında bölüşdürüləcəyini açıqlamışdı.
Xatırladaq ki, yaxın zamanlarda final çəkilişini ARB kanalında izləyə biləcəksiniz.
