Hicablı Minni Maus

Sənət

Ana səhifə
Sənət

Hicablı Minni Maus

29 iyun 2011

15:09

Misirin ən zəngin biznesmeni Nakib Saviris “Twitter” sosial şəbəkəsindəki hesabında çarşablı Minni Maus karikaturasını yayımlayıb. Qibti (Misir xristianları) azlığına mənsub olan Saviris şəbəkə istifadəçilərini hiddətləndirib.

Kulis.az “BBC”-yə istinadən xəbər verir ki, iş adamı Savirisə qarşı “Facebook” sosial şəbəkəsində qruplar yaradılaraq, onun qınanması və şirkətlərinin boykot edilməsini istədi.

Baş prokurorluğa şikayət edən bir qrup vəkil karikaturanın İslamı təhqir etdiyini və alçaltdığı iddia ediblər.

Saviris şəkli sadəcə, gülməli olduğu üçün yerləşdirdiyini və heç bir başqa məqsədinin olmadığını bildirib. Misirin özəl sektorunda mühüm yer tutan Saviris üzr istəsə də, istifadəçilərin reaksiyaları dəyişməz qalıb.

Misirdə ən çox işçisi olan telekom şirkəti Orascoma sahib olan Saviris artıq birjada itkilərlə üzləşməyə başlayıb.

Günel ƏSGƏRZADƏ