Kulis.az “Günün şeiri” layihəsindən Mina Rəşidin “Xocalı” şeirini təqdim edir.
Ağappaq qar üstünə
Qanı çilənmiş balam.
“Qar adam”ın yanında
Qana bələnmiş balam.
Anası saçlarından
Göydən asılı qalmış.
Atası «Vətən», - deyə,
Düz ağzından atılmış.
- "Kinoteatrda 90-cı illərin çörək növbəsini yaratdıq" - Müşfiq Şahverdiyev
- 2024-cü il Nobel Mükafatlarına sayılı günlər qaldı
- Yenidən bir filmdə birgə çəkiləcəklər
Babası buz heykəli -
Torpaq üstə yıxılmış.
Nənəsi havalanıb,
Dili-ağzı tutulmuş.
Bacısı, qardaşları
Qıyma-qıyma doğranmış.
Utansın belə dünya,
Zülmü artıq ağ olmuş!
Bir oba – bir məzarlıq,
Bütün nəsil qırılmış.
«Unutqanıq!», - deməkdən
Demə, dilim yorulmuş…
Biz unutqan olsaq da,
Tarix bunu unutmaz.
İnsanlığın düşməni
Heç bir kəsə dost olmaz!
