Gözlərin:
islanmış kül kimi parıltılı,
çay qırağına qısılan köpük kimi oynaq,
dar pəncərəsindən uzaqlara boylanan
poçt qutusu kimi dərin.
Əllərin:
qum saatının ovucları kimi balaca,
teleqram kağızı kimi yumşaq,
əyilmiş qəddin kölgəsi kimi sərin.
Saçların:
köz işığı kimi qısa,
göz işığı kimi gur,
uçurum kimi tarım.
- Güneyli yazar: "O yazı ədəbiyyata böyük bir xəyanət sayılır..." - Müsahibə
- Rəşad Məcid haqqında kitab çap olundu
- Rakı şüşəsində balıq olmaq istəyən şair
Dodaqların:
alov dili kimi nazik,
çörəyin içi kimi narın.
Özün:
yolumun qırağı kimi yaxın,
it hürən tərəf kimi uzaq,
külək kimi uzun.
