“Hələlik Azərbaycan mədəniyyətinin ön sıralarında üç nəfər var: Mirzə Fətəli Axundov, Cəlil Məmmədquluzadə, Üzeyir Hacıbəyov”
Bu sözləri Milli Kitab Satış-Sərgisində görüşü zamanı Xalq yazıçısı Rüstəm İbrahimbəyov deyib. O, daha sonra bunları söyləyib:
“Mən Cəlil Məmmədquluzadənin böyük pərəstişkarıyam. Onun sadə stili, mənəvi, əzabkeş obrazları mənə yaxındır və mən Cəlildən çox şeylər öyrənmişəm. Və əlbəttə ki, hesab edirəm, Azərbaycanın ən böyük ədəbiyyatçısı Mirzə Fətəli Axundovdur. O, indi bizim istifadə etdiyimiz dilin yaradıcısıdır”.
