Gənc Tamaşaçılar Teatrından bu ay tamaşaçılara iki yeni tamaşa təqdim edəcək. Teatrdan Kulis.az-a verilən görə, mart ayının 9-da saat 12.00da Azərbaycan Dövlət Gənc Tamaşaçılar Teatrında 2013-cü ilin ilk premyerası - “Qaraca qız” tamaşası nümayiş etdiriləcək. S.S.Axundov və A.Şaiqin eyniadlı əsəri əsasında hazırlanmış iki hissəli nağıl tamaşanın quruluşçu rejissoru Xalq Artisti Vaqif Əsədov, quruluşçu rəssamı Qurban Məsimov, bəstəkarı Sərdar Fərəcovdur. Tamaşada əməkdar artistlər Gülər Nəbiyeva, Seyidşah Məmmədov, aktyorlar Manaf Dadaşov, Güşvər Şərifova, Simuzər Atakişiyeva, Hüsniyyə Əhmədova, Asya Atakişiyeva, Roza İbadova, Elşən Hacıbabayev, Zümrüd Quliyeva, İlqarə Tosova, Nuriyyə Əliyeva və başqaları çıxış edəcəklər.
Növbəti premyera isə mart ayının 10-da saat 12.00da Bolqar yazarı Panço Pançevin eyniadlı əsəri əsasında hazırlanmış “Dörd əkizin nağılı” tamaşasıdır. Səhnə əsərinin quruluşçu rejissoru Ağalar İdrisoğlu, rəssamı Elşən Sərxanlıdır. Əsas obrazları əməkdar artistlər Naibə Allahverdiyeva, Qəmər Məmmədova, aktyorlar Günel Məmmədova, Elnur Hüseynov, Kərəm Hadızadə və başqa aktyorlar canlandıracaqlar.
