Rusiyanın Azərbaycandakı səfirliyində ədəbiyyat mükafatının təqdimat mərasimi keçirilib. APA-nın xəbərinə görə, səfir Vladimir Doroxin “Literaturnıy Azerbaydjan” jurnalında əsərləri dərc edilən gənc müəlliflər Laçın Səmədzadə və Yuli Subbotinə mükafatlarını təqdim edib.
V. Doroxin qeyd edib ki, səfirlik Azərbaycanda rus dilini fəal şəkildə dəstəkləməyə çalışır. O, gənc yazıçılara yeni yaradıcılıq uğurları arzulayıb.
Azərbaycan Yazıçılar Birliyinin katibi Çingiz Abdullayev tədbirdə çıxış edərək “Literaturnıy Azerbaydjan” jurnalına və ümumən Azərbaycan ədəbiyyatına göstərdiyi diqqətə görə səfirə təşəkkür edib.
