Azərbaycan Milli Elmlər Akademiyasının (AMEA) Hüseyn Cavidin Ev Muzeyi və Bakı Slavyan Universitetinin birgə layihəsi əsasında Azərbaycanın böyük şairi və dramaturqu Hüseyn Cavidin anadan olmasının 130 illiyi münasibəti ilə ədibin “Şeyda” əsəri 11 dilə (türk, rus, ingilis, alman, fransız, polyak, belarus, bolqar, ukrayna, çex, yunan) tərcümə edilib.
AMEA-nın mətbuat xidmətindən APA-ya verilən xəbərə görə, kitabın nəşrinə məsul şəxslər AMEA Humanitar və İctimai Elmlər bölməsinin akademik-katibi Kamal Abdullayev və muzeyin direktoru Gülbəniz Babaxalidir.
Kitabın hələlik 4 cildi işıq üzü görüb. Digər cildlər də çapa təqdim edilib.
