Böyük sovet-qırğız yazıçısı Çingiz Aytmatovun doğum günü 12 dekabr bundan sonra “Yazarlar günü” kimi qeyd olunacaq.
Qərar Qırğızıstanın Ali Məclisində qəbul edilib. Təklif məclis rəhbəri Asılbek Caanbekov tərəfindən irəli sürülərək qəbul edilib.
Bir çox beynəlxalq mükafatların sahibi olan, adı bir neçə dəfə Nobel mükafatı namizədlərinin sıralarında yer alan yazıçı Çingiz Aytmatov 2008-ci ildə 80 yaşında vəfat etmişdi.
Çingiz Aytmatov “Ağ gəmi”, “Cəmilə”, “Əlvida, Gülsarı”, “Ana Tarla”, “Qiyamət” kimi dəyərli əsərlərin müəllifi olsa da, daha çox “Gün var əsrə bərabər” romanı ilə məşhurlaşmışdır.
