İlk sovet rok operası olan “Orfey və Eurydice” operasının müəllifi dramaturq və librettist Yuri Dimitrin vəfat edib.
Kulis.az Lenta.ru-ya istinadən xəbər verir ki, 85 yaşlı dramaturq Sankt-Peterburqda dünyasını dəyişib.
Qeyd edək ki, Yuri Dimitrin səhnəyə qoyulmuş orijinal və tərcümə olunmuş librettaları ilə yanaşı musiqi səhnəsi üçün 70 pyes, 60-a yaxın opera, operettalar və musiqili əsərlərin müəllifidir.
O, həmçinin Şostakoviç haqqında xatirə, musiqi tamaşalarına yazdığı rəylərin, libretto və musiqi teatrı ilə bağlı məqalələrin müəllifidir. Yuri Dimitrin - "Şimali Palmyra" ədəbi mükafatı laureatıdır.
