Yeni yaradılmış “Invisible Boyfriend” xidməti 14 fevral qabağı qızlara pulla sevgili xidməti göstərir.
Kulis.az-ın hurriyet.com.tr-yə istinadən verdiyi xəbərə görə, sözügedən xidmət ödəniş qarşılığında qızlara sevgilisiymiş kimi sms mesajlari göndərir, telefona zəng edir və əlyazma şəklində məktublar göndərir.
Bu xidmət ətrafında sevgilisi varmış kimi fikri yaratmaq istəyənlər, gerçək sevgililərini qısqandırmaq istəyənlər, ya da başqaları tərəfindən narahatçılıq yaşayanlar üçün nəzərdə tutulub.
Xidməti seçən adam “görünməz oğlan sevgilisinin” adını, yaşını, fotoqrafını, və xüsusiyyətlərini özü seçib qeyd edə bilər.
Xidmət ay ərzində müştəriyə 100 SMS, 10 çağırış və əllə yazılmış məktub göndərir.
Hələlik beta versiyada olan xidmətdə ilk 10 mesaj pulsuzdur. Mesajların və səsli ismarıcların avtomatik deyil, insanların göndərdiyini də qeyd etmək lazımdır.
Oğlanlar üçün də "Invisible Girlfriend" adlı başqa bir xidmət də hazırlanıb və eyni xidməti göstərir. Xidmət çıxan kimi minlərlə insanı əhatə edib. Xidmətin oğlan dost və qız dost olmaqla iki fərqli versiyası fəaliyyət göstərir.
