Qazaxıstanın paytaxtı Astanada III “Teatral” Beynəlxalq Teatr Festivalı təşkil olunub.
Kulis.az xəbər verir ki, Qazaxıstanın yazıçı-dramaturqu, Dövlət mükafatı laureatı Roza Mukanovanın 60 illik yubileyinə həsr olunan festivala bir sıra ölkələrdən teatr və sənət mütəxəssisləri qatılıblar.
Festivalda Azərbaycanı Mədəniyyət Nazirliyinin dəstəyi ilə Qazax Dövlət Dram Teatrı təmsil edir. Yaradıcı heyət yubilyar müəllifin “Bir çətir altında – mən” pyesi əsasında hazırlanan eyniadlı tamaşanı göstərəcək.
İnsan münasibətlərinin ön plana çıxarıldığı psixoloji dramın quruluşçu rejissoru Əməkdar artist Musa Eyyubov, quruluşçu rəssamı Aysan Omarovadır.
Festival noyabrın 3-dək davam edəcək.
