20 aprel şair Qulu Ağsəsin doğum günüdür. Kulis.az bu münasibətlə şairi təbrik edir və onun öz doğum gününə yazdığı şeiri yayımlayır.
Anama: "Sevin"- dedilər,
"Bu oğlun, evin", - dedilər.
Mən doğulan gün dedilər
Aprelin 20-nə
Bu boş ömrümə tüpürdüm.
Doğulan günə tüpürdüm.
Tüpürdüm yenə tüpürdüm,
Aprelin 20-nə
İstədim öləm, qoymadı,
Lap nahaq yerə qoymadı.
Tanrım bir daşı qıymadı
Aprelin 20-nə.
