Kulis.Az Hacıbala Səfərovun “Ən qısa hekayə” müsabiqəsinə göndərdiyi "Manipulyasiya" (440 işarə) hekayəsini təqdim edir.
Ədəbiyyat fakültəsində dərsə girən professor tələbələrdən soruşdu:
- Ən çətin yazılan nəsr növü hansıdır? Roman, yoxsa hekayə?
Tələbələrdən biri dedi:
- Ən çətin qısa hekayədir, çünki az sözlə çox mətləb açılmalı, üstəlik təsirli olmalıdır.
- Bəs bir qısa hekayə müsabiqəsinə 500-ə yaxın yazar qatılıbsa necə?
- Bu o deməkdir ki, həmin yarışmadan Nobel mükafatına layiq azı on yazar çıxmalıdır, ya da istedadsızlıqlarını dərk etməyən insanlar öz istedadsızlığını dərk edib kənara çəkilməlidir. Başqa cür ola bilməz.
