Moskva teatrının aktyoru Stanislav Sadalski deyib ki, 8 sentyabrda pəncərədən yıxılıb öldüyü ehtimal olunan aktyor Belyavski kasıbçılıqdan intihar edib. Kulis.az-ın “RİA Novosti”yə istinadən verdiyi məlumata görə Stanislav Sadalski buna əmin olduğunu bildirib: “Nikita Mixalkovun rəhbərlik etdiyi Rusiya Kinematoqrafçılar İttifaqı qocaman aktyorların maddi durumunu düşünmür. Mən dəfələrlə bu barədə Mixalkova müraciət etmişəm ki, aktyorlara pul ödənməsinə nail olsun. Qocaman aktyorlar kasıb yaşamamalıdır, onlar çıxış yolunu pəncərədən atılmaqda görməməlidir”.
Stanislav Sadalski söyləyib ki, hadisədən qabaq Belyavski ilə bir neçə dəfə söhbət edib: ”Onun durumundan xəbərdar idim. İndi deyirlər ki, psixoloji durumu onu pəncərədən atılmağa vadar edib. Elə deyil, bu adam ağlı başında olduğu üçün əzablı həyata, kasıbçılığa, ailəsi qarşısında başı aşağı qalmağa son vermək qərarına gəlib”.
Aktyor deyib ki, indi miskin yaşayan aktyorlar rus kinosunun qızıl fondudur: “Dünyanın heç bir yerində aktyora bu cür münasibət yoxdur. Onların çəkildiyi filmlərlə kimlərsə külli miqdarda qazanc əldə edir. Özlərinin isə taleyi belə acınacaqlı sonluqla bitir.”
Xatırladaq ki, aktyor Aleksandr Belyavski sentyabrın 8-də yaşadığı evin pəncərəsindən yıxılıb və yerindəcə dünyasını dəyişib. Biz bu rus aktyorunu “Görüş yerini dəyişmək olmaz” filmindən Foks obrazı ilə tanıyırıq.
Onun ölümü barədə Rusiya mətbuatında müxtəlif versiyalar dolaşır.
Ramilə Qurbanlı
Məşhur rus aktyor kasıbçılıqdan intihar edib
11 oktyabr 2012
11:19
Oxşar xəbərlər
O, qadın deyil, eləcə anadır... - Mətbəxdə cazibəsini itirən Həmidə xanım
12:00
1 noyabr 2024
Türkiyəli aktyorun serialının yayım tarixi bəlli oldu
11:15
1 noyabr 2024
O ölsə də, qadağası qüvvədə olacaq
10:56
1 noyabr 2024
80 yaşlı aktyoru filmə çəkmirlər
18:17
31 oktyabr 2024
"Məni ərimin şəkliylə basdırın..." - O, həyat yoldaşından nə gizlədirdi?
17:00
31 oktyabr 2024
Federiko Fellini: “İcazə verin, sizə yeni xatirələr uydurum...”
15:20
31 oktyabr 2024
