96-cı "Oskar" Mükafatlarının təqdimetmə mərasimi 2024-cü ilin 10 mart tarixində keçiriləcək.
Kulis.az xəbər verir ki, bu barədə Kino Sənətləri və Elmləri Akademiyasının məlumat yayıb.
Akademiya Mükafatlarının təqdimetmə mərasimində 20-dən çox kateqoriyada dünya filmlərinin ən yaxşıları yad ediləcək. Maraqlıdır ki, Akademiya 2024-cü il üçün daha vacib Oskar tarixlərini ayrıca dərc edib. Oskar mükafatına namizədlərin yekun siyahısı 23 yanvar 2024-cü ildə, qısa siyahılar isə 21 dekabr 2023-cü ildə açıqlanacaq.
Mükafatlandırma mərasimi Ovation Hollywood-da Dolby Teatrından ABC kanalında canlı yayımlanacaq.
Qeyd edək ki, bu günə qədər cəmi bir il istisna olmaqla, 2002-ci ildən bəri mükafatlar sahiblərinə Los-Ancelesdəki Dolby teatrında təqdim edilib. İki il əvvəl məkan pandemiya səbəbindən Los-Ancelesdəki Union Station-a köçürülmüşdü.
